Youtube 上看到大量有關八字批命的廣告，找來一大群型男美女拍下回饋影片，一一講述那位師傅如何準確，單睇八字連屋企隔離有條河都講到，大家試諗一下你如果俾錢睇完自己八字，有無需要拍條片去歌頌個師傅？準確理論上係應該的，仲要清一色係女顧客回饋，稍為有邏輯去諗諗，你都知道呢啲“客人”係邊度黎。況且仲要話自己有個八字團隊，俾完錢原來係個學生同你睇，唔準就緊係唔會退錢啦，因為佢個團隊就係為錢。你再係Google search 下，原來有埋苦主群組，你就真係要諗一諗呢啲廣告值唔值得相信。強如本地上電視著名師傅，都好少話有一個團隊去睇八字，睇八字的功力並非一朝一夕可累積，各師各法，希望大家唔好咁輕易相信Youtube廣告，搞到八字命理淪為迷信、呃神騙鬼之說。